სასტუმრო ვილა პალასის აღწერილობა:
ულამაზესი პეიზაჟებით გარემოცული სასტუმრო „ვილა პალასი“, სადაც ჰარმონიულად არის შერწყმული ევროპული სტანდარტები და ქართული სტუმართმასპინძლობა, გიწვევთ დაუვიწყარი დღეების გასატარებლად. სასტუმრო „ვილა პალასი“-ს კუთვნილი ტერიტორიის უპირატესობას წარმოადგენს მისი სიახლოვე ბაკურიანის ცენტრთან და ამავე დროს მისი განცალკევებული მდებარეობა. სასტუმროს ოთახებიდან მოსჩანს შესანიშნავი ხედი: ერთი მხრიდან კოხტა-გორა, მეორე მხრიდან პარკის მთის ფერდობი. სასტუმროს ინტერიერი გადაწყვეტილია სამთო კურორტის სტილში.,ირგვლივ განლაგებული რბილი ავეჯი გაგილამაზებთ სასტუმროში გატარებულ საღამოებს, მომსახურე პერსონალის კეთილგანწყობა და სტუმართმოყვარეობა კი დაუვიწყარ ატმოსფეროს შეგიქმნით. კეთილი იყოს თქვენი მობრძანება უმაღლესი კლასის სასტუმროში „ვილა პალასი“.
