ბაკურიანი
ბაკურიანი ცნობილი და პოპულარული კურორტია საქართველოში. იგი მდებარეობს ბორჯომის რაიონში, ზღვის დონიდან 1700 მეტრზე. კურორტის მნიშვნელოვანი ნაწილი დაფარულია წიწვოვანი ტყის მასივით, ამიტომ ბაკურიანი ითვლება არამარტო ზამთრის , არამედ ბალნეოლიგურ- გამაჯანსაღებელ კურორტადაც. ბაკურიანი ბორჯომის რაიონს უკავშირდება როგორც სანტრანსპორტო მაგისტრალით, ისე ვიწროლიანდაგიანი სარკინიზო გზით, რაც ერთობ დამახასიათებელია ამ კურორტისათვის.
კურორტ ბაკურიანის ჰავა გარდამავალია: ნოტიო ზღვის ჰავიდან ნოტიო კონტინენტალურისაკენ. ზამთრის სეზონი კურორტზე დაბალი ტემპერატურითა და მდგრადი თოვლის საფარით გამოირჩევა, ზაფხული კი ცხელი და ხანგრძლივია. აგვისტოს თვის საშუალო ტემპერატურა კურორტზე 15 გრადუსს, ხოლო საშუალო წლიური ტემპერატურა 4,3 გრადუსს შეადგენს. თოვლის საფარი კურორტზე დეკემბრის დასაწყისიდან მარტის ბოლომდეა, თოვლის საშუალოსიღრმე კი 64 სმ-ს შეადგენს.
კურორტი ბაკურიანი ასევე ცნობილია თავისი ბოტანიკური ბაღით, რომელიც 1910 წელს დაარსდა და რომელიც მაღალმთიანი კავკასიის ალპურ მცენარეთა სრულ უმრავლესობას წარმოადგენს.
