საოჯახო სასტუმრო მაგის აღწერილობა:
საოჯახო სასტუმრო "მაგი" მდებარეობს კურორტ ბაკურიანში. სასტუმროს ეზოში შესვლისთანავე თქვენ აღმოჩნდებით მყუდრო და სასიამოვნო გარემოში. მინი-პარკით, სხვადასხვა გასართობი ატრაქციონებითა და საცურაო აუზით. საოჯახო სასტუმროს გააჩნია ასევე დაცული ავტოსადგომი. სასტუმროდან 200 მეტრში მდებარეობს უნიკალური წყარო, რომელიც მეტად სასარგებლოა თქვენი ჯანმრთელობისათვის. სასადილო და საკონფერენციო დარბაზი, ასევე ინტერიერი და დიზაინი ქმნის საოცრად მყუდრო გარემოს. სასტუმროს ყველა ოთახი აღჭურვილია კომფორტული ავეჯით, ტელევიზორით, ინდივიდუალური სააბაზანო ოთახითა და 24 საათიანი ცხელი და ცივი წყლით. სასტუმროს სამზარეულო სამჯერადი კვებით, მყუდრო გარემოსთან ერთად შემოგთავაზებთ მრავალფეროვან კერძს, ქართული და ევროპული სამზარეულოდან, რომლებიც მზადდება სასტუმროს დამსვენებელთა დაკვეთით - ახალი, ეკოლოგიურად სუფთა პროდუქტებით. სადღესასწაულო დღეებში კი სასტუმრო მის დამსვენებელს სთავაზობთ უფასო საბანკეტო სუფრას. 10 წლამდე ბავშვებისთვის სასტუმროში მოქმედებს ასევე შეღავათები.
